రాయదుర్గంలో నకిలీ పోలీస్ అరెస్టు
మసాజ్ సెంటర్లలో డబ్బులు వసూలు
Ekaburu - క్రైమ్ / హైదరాబాద్ : సులభంగా డబ్బు సంపాదించడం కోసం ఓ వ్యక్తి ఏకంగా నకిలీ పోలీసు అవతారం ఎత్తాడు. క్రైమ్ ఇంటలిజెన్స్ డిపార్టుమెంట్ పేరుతో ఓ నకిలీ ఐడీ కార్డు తయారు చేసుకొని, మసాజ్ సెంటర్లలో పోలీసు నంటూ డబ్బులు వసూలు చేస్తున్నాడు. గతకొన్ని రోజులుగా హైటెక్ సిటీ పరిధిలో ఈ తరహా ఘటనలు చోటుచేసుకోవడంతో మాదాపూర్ ఎస్ఓటీ పోలీసులు నిఘా పెట్టారు. రాయదుర్గంలోని ఫార్చ్యూన్ అపార్టుమెంటులో 5వ ఫ్లోర్ లో స్టార్ వెల్నెస్ & ఫ్యామిలీ సెలూన్ ఉంది. ఈ సెలూన్ యజమాని వద్దకు సోమవారం రాత్రి వచ్చిన ఓ వ్యక్తి తాను క్రైమ్ ఇంటలిజెన్స్ డిపార్టుమెంట్ పోలీసునంటూ బెదిరించాడు.
Also Read : మరో పథకాన్ని ప్రారంభించిన తెలంగాణ రాష్ట్ర ప్రభుత్వం
సెలూన్ యజమాని వద్ద 10వేలు తీసుకొని వెళ్తుండగా మాదాపూర్ ఎస్ఓటీ పోలీసులు అదుపులోకి తీసుకున్నారు. విచారణలో నిందితుడిని గుడిమల్కాపూర్ కు చెందిన సినిమాటోగ్రఫర్ గా పనిచేసే సాయికిరణ్ తేజగా గుర్తించారు. సులభంగా డబ్బు సంపాదించడం కోసం నకిలీ పోలీసు అవతారం ఎత్తి కొంతకాలంగా మసాజ్ సెంటర్లలో డబ్బులు వసూలు చేస్తున్నట్టు పోలీసులు గుర్తించారు. ఈ మేరకు నిందితుడిని అరెస్టు చేసి 10వేల నగదు, ఓ బైక్ స్వాధీనం చేసుకుని రిమాండ్ కు తరలించారు.
Admin
Ekaburu
మరిన్ని వార్తలు
Developed By :
