సినిమాల్లో అవకాశం కల్పిస్తానని సాఫ్ట్వేర్ ఉద్యోగినిపై అత్యాచారం
తెలుగు సినిమా అసిస్టెంట్ డైరెక్టర్ అరెస్టు
Ekaburu - క్రైమ్ / హైదరాబాద్ : సినిమాల్లో అవకాశం కల్పిస్తానని ఓ సాఫ్ట్వేర్ ఉద్యోగినిని నమ్మించిన అసిస్టెంట్ డైరెక్టర్ మద్యం మత్తులో లైంగిక దాడికి పాల్పడిన సంఘటన గచ్చిబౌలి పోలీస్ స్టేషన్ పరిధిలో చోటుచేసుకుంది. ఈ సంఘటనకు సంబంధించిన వివరాలు పోలీసుల కథనం ప్రకారం... ఆంధ్రప్రదేశ్ రాష్ట్రం వైజాగ్ కు చెందిన దంతులూరి సిద్ధార్థ వర్మ(30) నగరానికి వచ్చి కొండాపూర్ రాఘవేంద్ర కాలనీలో నివాసం ఉంటున్నాడు. తెలుగు సినిమా పరిశ్రమలో అసిస్టెంట్ డైరెక్టర్ గా పనిచేస్తున్న సిద్దార్థ వర్మకు ఓ స్నేహితురాలి ద్వారా బాధిత యువతి వరిచయం అయ్యింది.
Also Read : బోనాల ఉత్సవాల కోసం శేరిలింగంపల్లి దేవాలయాలకు ప్రభుత్వ నిధులు : ఎమ్మెల్యే గాంధీ
ఆంధ్రప్రదేశ్ రాష్ట్రం అనంతపుర్ జిల్లాకు చెందిన బాధిత యువతి నగరంలోని పుప్పాలగూడలో నివాసం ఉంటూ సాఫ్ట్వేర్ ఉద్యోగిగా పనిచేస్తుంది. కాగా సినిమాల్లో అవకాశం కల్పిస్తానని యువతిని నమ్మించిన సిద్దార్థ వర్మ తన ఇంటికి పిలిపించుకుని, మద్యం సేవించిన తరువాత మద్యం మత్తులో పలుమార్లు లైంగిక దాడికి పాల్పడ్డాడని బాధిత యువతి మంగళవారం గచ్చిబౌలి పోలీసులకు పిర్యాదు చేసింది. యువతి పిర్యాదు మేరకు కేసు నమోదు చేసుకున్న గచ్చిబౌలి పోలీసులు బుధవారం నిందితుడు సిద్దార్థ వర్మను అరెస్టు చేసి రిమాండ్ కు తరలించారు.
Admin
Ekaburu
మరిన్ని వార్తలు
Developed By :
