ఐదు రోజుల పాటు రాత్రి వేళల్లో గచ్చిబౌలి ఫ్లై ఓవర్ బంద్
Ekaburu - హైదరాబాద్ / హైదరాబాద్ : ఐదు రోజుల పాటు రాత్రి వేళల్లో గచ్చిబౌలి ఫ్లై ఓవర్ మీద రాకపోకలు నిలిపివేస్తున్నట్టు సైబరాబాద్ పోలీసులు ప్రకటించారు. గచ్చిబౌలి కూడలి వద్ద నిర్మిస్తున్న శిల్పా లే అవుట్ ఫేజ్ 2 నూతన ఫ్లై ఓవర్ నిర్మాణ పనులు కొనసాగుతున్నాయి. గచ్చిబౌలి ఫ్లై ఓవర్ మీదుగా ప్రస్తుతం పనులు చేపడుతుండడంతో నిర్మాణ పనులకు ఆటంకం కలుగకుండా, ఎటువంటి ప్రమాదాలు చోటుచేసుకోకుండా ముందు జాగ్రత్త చర్యగా ఫ్లై ఓవర్ ను మూసివేస్తున్నారు. ఆగస్టు 8వ తేదీ నుంచి 12వ తేదీ వరకు రాత్రి 11 గంటల నుంచి తెల్లవారు జామున ఉదయం 6గంటల వరకు గచ్చిబౌలి ఫ్లై ఓవర్ పై ప్రయాణాలను నిలిపివేస్తున్నట్టు సైబరాబాద్ ట్రాఫిక్ పోలీసులు ఒక ప్రకటనలో తెలిపారు. వాహనదారులు ప్రయాణాల కోసం ఫ్లై ఓవర్ కింద రహదారిని ఉపయోగించుకోవాలని సూచించారు.
Also Read : జీహెచ్ఎంసి మేయర్, కమిషనర్లను కలిసిన ఎమ్మెల్యే గాంధీ
Admin
Ekaburu
మరిన్ని వార్తలు
Developed By :
