హెచ్ సి యు స్టూడెంట్ యూనియన్ ఎన్నికల్లో ఏబీవీపీ క్లీన్ స్వీప్
Ekaburu - తెలంగాణ / హైదరాబాద్ : హైదరాబాద్ సెంట్రల్ యూనివర్సిటీ స్టూడెంట్ యూనియన్ ఎన్నికల్లో ఏబీవీపీ విద్యార్థి సంఘం అఖండ విజయం సాధించింది. అధికారిక స్టూడెంట్ యూనియన్ కోసం జరిగిన ఎన్నికల్లో ఏబీవీపీ - ఎస్ ఎల్ విడి విద్యార్థి సంఘాలు కూటమిగా బరిలోకి దిగి అన్ని స్థానాలను కైవసం చేసుకున్నాయి. శనివారం నిర్వహించిన ఓట్ల కౌంటింగ్ లో ఏబీవీపీ కూటమి మెజార్టీ స్థానాలను కైవసం చేసుకుంది. స్టూడెంట్ యూనియన్ అధ్యక్షుడిగా ఏబీవీపీ విద్యార్థి సంఘం అభ్యర్థి శివ పాలెపు గెలుపొందాడు. తన సమీప ప్రత్యర్థి బిఎస్ఎఫ్ విద్యార్థి సంఘానికి చెందిన అనన్య రెండో స్థానంలో నిలిచింది. దీంతోపాటు ఏబీవీపీ కూటమి అభ్యర్థులు దేబెంద్ర - ఉపాధ్యక్షుడిగా, శృతి ప్రియా - ప్రధాన కార్యదర్శిగా, సౌరబ్ శుక్ల - జాయింట్ సెక్రటరీగా, వీనస్ - కల్చరల్ సెక్రటరీగా, జ్వాలా - స్పోర్ట్స్ సెక్రటరీగా విజయం సాధించారు. స్టూడెంట్ యూనియన్ ఎన్నికల్లో ఏబీవీపీ కూటమి అఖండ విజయం సాధించడంతో శనివారం రాత్రి యూనివర్సిటీ ప్రధాన గేటు ముందు విద్యార్థులు సంబరాలు జరుపుకున్నారు.
Admin
Ekaburu
మరిన్ని వార్తలు
Developed By :
